​

               Giai fiat ora, no est sceti unu spetàculu po arriri e nci passai su tempus, mancai siat s’iscopu principali.

​

​“Eus sempri, mancai a sa lebia e a sa cua, chistionau de is cosas chi si funt sutzedendi a giru, cussas chi teneus prus a coru e cussas chi prus si strobant: su chi papaus, s’ocupatzioni militari, is fogus postus chi dònnia istadi sperdint satus e padentis lassendi sempri prus pagu birdi a is pipius e is pipias de su benidori, s’importu mannu chi est biri sa belleza in sa diversidadi.” Giai fiat ora est imperau fintzas cumenti aina po si torrai a ponni meris de lingua e cosa nostra, poita chistionai custa lingua diaici arrica e sintzera depit essi motivu de mannosia e no de bregùngia. S’imperu de su sardu in dd’unu spetàculu cumenti a custu est fintzas una manera po si torrai a acostai a cussu pùbbricu chi su sardu ddu cumprendit e no ddu chistionat o ddu fueddat sempri prus pagu. Su spetàculu est in Sardu, perou si at a manigiai fintzas s’italianu si calincunu fueddu o calincuna fràsia no at a essi cumprèndia.

​

Giai fiat ora est sa furriadura a su sardu de su spetàculu Circo all’arrembaggio, cun prus de 10 annus de vida e unu sciacu mannu de arrepitus: Sardìnnia, italia, Colombia, Macedonia e Spagna, est stètiu fintzas furriau e arrepitiu in Inglesu, Spagnolu e immoi in Sardu.

​

​